Home Knowledge Screen Time

Screen Time

1129

Screen Time ဖြင့် သင့်ရဲ့ iPhone and iPad တို့အပေါ်မှာ အချိန်တွေ ဘယ်လောက်တောင် ဖြုန်းခဲ့ပြီးပြီလဲ ဆိုတာကို သင်သိနိုင်ပါမယ် ။ ဒါ့အပြင် သင်လိုအပ်သလို ထိမ်းချုပ်မှုတွေကိုလည်း ပြုလုပ်နိုင်ပါဦးမယ် ။

Screen Time 

iOS 12 ရဲ့ New Feature တစ်ခု ဖြစ်ပါတယ် ။ 

သင်နဲ့ သင့်ရဲ့ခလေးတို့ Applications တွေ , Websites တွေအပြင် အခြားသော အသုံးပြုမှုတွေ အပေါ်မှာပါ အချိန် ဘယ်လောက်ကြာကြာ အသုံးပြုခဲ့ အသုံးပြုနေလဲ ဆိုတာကို သိရှိနိုင်ပါတယ် ။ 

ဒီလို သိရှိထားတော့ သင့်ရဲ့ iDevice တွေ အသုံးပြုနေမှုကို သင့်စိတ်ကြိုက် ကန့်သတ်မှုတွေ ပြုလုပ်နိုင်ဖို့အတွက် အထောက်အကူ ရပါမယ် ။ သင့်အတွက် မဟုတ်ရင်တောင်မှ သင့်ခလေးရဲ့ Device ကို ထိမ်းချုပ်မှုတွေ ပြုလုပ်ပေးထားနိုင်တာပေါ့ ။ 

Turn on Screen Time 

သင့် iPhone or iPad ရဲ့ Setting ကို သွားပါ ။

Screen Time ကို ဝင်ပါ ။ 

Turn On Screen Time ကို နှိပ်ပါ ။ 

Continue ကို နှိပ်ပါ ။ 

ဒီမှာ ရွေးချယ်ဖို့ ( ၂ ) ခု ရှိပါမယ် ။ 

This is My [ Device ] or This is My Child’s [ Device ] ဆိုပြီး ဖြစ်ပါတယ် ။ 

ဒါကတော့ This is My Child’s [ Device ] ကို ရွေးထားတာ ဖြစ်ပါတယ် ။

သင့်ခလေးကို ဘယ်အချိန်ကနေ ဘယ်အချိန်ထိ ဆိုတဲ့ အသုံးပြုခွင့်ကို Screen Time မှာ သတ်မှတ် ပေးထားလို့ ရပါမယ် ။ သတ်မှတ်ပြီးရင် Set Downtime ကို နှိပ် ။

သင့်ခလေးအတွက် ကန့်သတ်ထားချင်တာက Applications အားလုံးကိုလား ။ Social Applications တွေကိုပဲ သီးသန့် ကန့်သတ် ပေးထားမှာလား ။ Games တွေကိုပဲလား ဆိုတာကို ဒီနေရာမှာ ရွေးချယ်ပေးရမှာပဲ ဖြစ်ပါတယ် ။ နောက်ထပ်လည်း Show All Categories ကို နှိပ်ပြီး ထိမ်းချုပ်မှုတွေ ပြုလုပ်နိုင်ပါဦးမယ် ။ 

ကန့်သတ်မှု ပြုချင်တဲ့ Categories တွေကို ရွေးချယ်ပြီးပြီ ဆိုပါက Time Amount က Set ကို နှိပ်ပေးရပါမယ် ။ သင့်ခလေး အသုံးပြုနိုင်မယ့် Times ကို ထည့်ပေးပြီးရင်တော့ Set App Limit ကို နှိပ်သွားရုံပါပဲ ။ 

သင့်ခလေးရဲ့ Device က Screen Time ကို အထက်ပါအတိုင်း ပြုလုပ်ပြီးသွားပြီ ဆိုရင်တော့ Family Sharing ကို အသုံးပြုပြီး သင့်ရဲ့ iPhone or iPad ပေါ်ကနေပဲ ခလေးရဲ့ Device ကို Configure ပြုလုပ်နိုင်ပါမယ် ။ ဒါ့အပြင် View Reports တွေ Adjust Settings တွေကိုပါ ကြိုက်တဲ့အချိန်မှာ သင့် Device ပေါ်ကနေ ကြည့်ရှု ထိမ်းချုပ်လို့ ရပါဦးမယ် ။ 

Screen Time ကို Create လုပ်စဉ်မှာ Passcode သတ်မှတ် ထည့်ပေးခဲ့ရတာ ဖြစ်တဲ့အတွက် အချိန်တိုးတာ လျော့တာတွေအပြင် ပြောင်းလဲမှုတွေ ပြုလုပ်ဖို့ကလည်း သင်တစ်ယောက်ထဲသာ အခွင့်ရှိမှာ ဖြစ်ပါတယ် ။ 

Screen Time အတွက် Passcode ထည့်ရာမှာလည်း သင်အသုံးပြုနေတဲ့ Device ကို Unlock ပြုလုပ်ရာမှာ ထည့်ပေးရတဲ့ Passcode နဲ့ မတူတာကိုပဲ ထည့်သင့်ပါတယ် ။ 

View your report and set limits

Screen Time ဟာ သင့် Device ရဲ့ အသုံးပြုမှုတွေကို အသေးစိတ် ဖော်ပြပေးပါတယ် ။ သင်ဖွင့်ခဲ့တဲ့ Applications တွေ ၊ ဝင်ခဲ့တဲ့ Websites တွေကို အချိန်နှင့်တကွ ကြည့်ရှုနိုင်ပါတယ် ။ 

Setting >> Screen Time ကို သွားပြီး Graph ကို နှိပ်ရပါမယ် ။ အဲဒီမှာ သင့်ရဲ့ Usage တွေ , အသုံးအများဆုံးသော Apps တွေကို Limits လုပ်ထားတာတွေ , သင်ဘယ်နှကြိမ်လောက် Device ကို ကိုင်ခဲ့ ချခဲ့တယ် ဆိုတာတွေအပြင် Notifications လက်ခံခဲ့တာတွေပါ ရှိပါမယ် ။ 

Share Across Devices ကိုပါ Turn on လုပ်ထားမယ် ဆိုရင်တော့ သင့်ရဲ့ Apple ID တွေ Password တွေနဲ့ Sign in လုပ်ထားတဲ့ အခြားသော Device ပေါ်ကနေလည်း Overall Usage တွေကို ကြည့်ရှုနိုင်ပါမယ် ။ 

Downtime

Downtime မှာ Schedule နဲ့ သတ်မှတ်ပေးထားမယ် ဆိုရင်တော့ သင်အသုံးပြုဖို့ ရွေးချယ်ပေးထားတဲ့ Applications တွေနဲ့ ဖုန်းခေါ်တာလောက်ကိုပဲ ပြုလုပ်နိုင်ပါမယ် ။ Screen Time ကို Enable လုပ်ထားတဲ့ Device မှာ Downtime လုပ်ဆောင်တော့မယ်ဆိုရင် မစတင်ခင် ( ၅ ) မိနစ်အလိုမှာ Reminder တစ်ခု ပြသပေးပါမယ် ။ 

ပြီးရင်တော့ Downtime အသက်ဝင်ပါပြီ ။ 

Downtime Enable ဖြစ်နေစဉ်မှာ သင့်အနေဖြင့် ကန့်သတ်ထားတဲ့ Applications တွေထဲကို ဝင်ရောက်ပါက Time Limit ဆိုတာကို မြင်တွေ့ရမှာပဲ ဖြစ်ပါတယ် ။ 

သင့်အနေဖြင့် Time Limit ကို ဂရုမစိုက်ဘူး ဆိုရင်ဖြင့် Ignore Limit မှာ ရွေးချယ်စရာ ( ၂ ) ခု ရှိပါမယ် ။ ထပ်တိုး ( ၁၅ ) မိနစ် အသုံးပြုခွင့်နဲ့ ဒီနေ့ တစ်နေ့စာလုံး အသုံးပြုခွင့်တို့ပဲ ဖြစ်ပါတယ် ။ 

App Limits

App Limits ဖြင့် App Categories တွေကို နေ့စဉ် ကန့်သတ် ပေးထားနိုင်ပါမယ် ။ ဥပမာ သင့်အနေဖြင့် အလုပ်ချိန်ဖြစ်နေတဲ့အတွက် Social Applications တွေ Games တွေကို မလိုအပ်ဘူး ဆိုပါတော့ ။ Productivity Apps တွေကိုပဲ မြင်တွေ့ရပါမယ် ။ ကျန်တဲ့ Apps တွေကတော့ Downtime လိုပဲ ပိတ်ပေးထားမှာပဲ ဖြစ်ပါတယ် ။ 

Always Allowed

သင့်အနေဖြင့် Downtime ကို အသုံးပြုထားပြီး All Apps & Categories တွေကို အသုံးပြုခွင့် ကန့်သတ်ထားမယ် ဆိုရင်တောင် သင်အသုံးပြုဖို့အတွက် Apps တွေကို ရွေးချယ်ပြီး ချန်လှပ်ပေးထားလို့ ရပါဦးမယ် ။ Default အနေနဲ့ Phone App , Messages App , FaceTime App နဲ့ Maps တို့ကို အမြဲ အသုံးပြုခွင့် ပေးထားပါမယ် ။ ဒါပေမယ့် သင့်အနေဖြင့် ဆန္ဒရှိမယ် ဆိုရင်တော့ သူတို့ကိုပါ Remove လုပ်နိုင်ပါမယ် ။ 

Content & Privacy Restrictions

သင့်ရဲ့ Device အပေါ်မှာ ကျေနပ်မှုရှိစေရန်နှင့် Privacy ကို ကန့်သတ်ထားဖို့အတွက် Content & Privacy Restrictions ကို အသုံးပြုပြီး မသင့်လျော်တဲ့ဟာတွေ , Purchases လုပ်တာတွေ , Download ဆွဲတာတွေနဲ့ သင့်ရဲ့ Privacy Settings တွေကိုပါ ကာကွယ်မှု ပြုလုပ်ထားနိုင်ပါမယ် ။

Family Sharing ဖြင့် Music တွေ , Movies တွေ , Apps တွေအပြင် အခြားသော အရာတွေကိုလည်း သင့်မိသားစုနဲ့အတူ Share ပြုလုပ်နိုင်ပါပြီ ။အခု Screen Time ဖြင့်လည်း လုပ်နိုင်ပြီပဲ ဖြစ်ပါတယ် ။ 

သင့်ရဲ့ Device ကနေပြီး သင့်မိသားစုအတွင်းမှာရှိတဲ့ သင့်ခလေးရဲ့ Reports တွေကို မြင်နိုင်သလို Setting ကိုလည်း Adjust လုပ်လို့ ရပါမယ် ။

Family Group ထဲမှာ သင်ဟာ အဖွဲ့ဝင်တစ်ဦး ဖြစ်နေပြီးသား ဆိုရင်တော့ Setting >> Screen Time ကို ဝင်ပြီး သင့်ခလေးရဲ့ နာမည်ပေါ်ကို နှိပ်လိုက်ပါ ။ 

ဒါမှမဟုတ် Family Group ကို Create မလုပ်ရသေးတာ ဆိုရင်တော့ Setting >> Screen Time >> Set Up Screen Time for Family ကို နှိပ်ရပါမယ် ။ 

သင့်ခလေးမှာ Apple ID တစ်ခု မရှိသေးဘူးဆိုလျှင် Create a Child Account ကို နှိပ်ပြီး Apple ID ကို ခလေးအတွက် ပြုလုပ်ပေးလို့ ရပါမယ် ။ 

ဒါမှမဟုတ် သင့်ခလေးမှာ Apple ID ရှိနေပြီးသား ဆိုရင်တော့ Add Child ကို နှိပ်ပြီး ခလေးရဲ့ Apple ID နဲ့ Password ကို ထည့်ပေးလိုက်ရပါမယ် ။ 

Family Sharing ဖြင့် Screen Time ကို အသုံးပြုရန်မှာ Family Group အတွင်းမှာ သင်ဟာ သင့်မိသားစုရဲ့ စီစဉ်သူ ဒါမှမဟုတ် အုပ်ထိန်းသူမိဘ ဖြစ်ဖို့တော့ လိုပါမယ် ။ 

ဒီလိုမျိုး သင့်ခလေးရဲ့ လုံခြုံမှုနှင့် သင့်ရဲ့ Privacy တွေအတွက် သင့်စိတ်ကျေနပ်မှု ရှိစေရန် iOS 12 က ယူဆောင်ပေးလာပြီပဲ ဖြစ်ပါတယ် ။ 

Via www.support.apple.com

အားလုံးချမ်းမြေ့ပျော်ရွှင်ကြပါစေ ။

ဇာနည် ( iOS Banker Myanmar ) 

Facebook Comments
3K Shares