လာမယ့်မျိုးဆက်သစ် iPhone တွေမှာပါစေချင်တဲ့အရာများ

2520

အခုဆို iPhone အသစ်ထွက်ဖို့လည်း ၂လလောက်ဘဲလိုတော့တယ်ဆိုတော့ Apple Fan တွေလည်းတော်တော်လေးရင်ခုန်နေလောက်ပါပြီ။ iPhone အသစ်မှာကျွန်တော်ပါစေချင်တဲ့အချက်လေးတွေဖြစ်ပါတယ်။ ဘယ် Rumor, Leak ကိုမှ မှီငြမ်းထားတာမဟုတ်ဘဲ ကျွန်တော်တစ်ယောက်တည်းအမြင်နဲ့ ပါစေချင်တာလေးတွေပါ။ အခုချိန်မှာ iPhone Xs Series တွေဝယ်မယ့်သူတွေလည်းစောင့်စေချင်ပါတယ်။

ကျွန်တော်မျှော်လင့်ထားတာတွေကတော့

1. Full View Display

Andriod ဖုန်းတွေက iPhone ရဲ့လမ်းစဉ်လိုက်ပြီး Notch တွေလိုက်ထည့်လာရာကနေNotch တွေတဖြည်းဖြည်းသေးလာပြီး Notch လုံးဝမပါတဲ့ Full View Display တွေတောင်တော်တော်များများထွက်နေပါပြီ ဒါပေမယ့် iPhone ကတော့ အခုထိ Notch အကြီးကြီးမဖျောက်နိုင်သေးပါဘူး။ တော်တော်လေးရုပ်ဆိုးတယ်လို့မြင်ပါတယ်။ လာမယ့် iPhone အသစ်မှာ Full View Display ကိုတော့ နံပါတ် အနေနဲ့မဖြစ်မနေပါစေချင်ပါတယ်။ ဒါပေမယ့်ကြားမိသလောက်တော့ Notch ပါဦးမယ်လို့သိရပါတယ်။

2. In Display Fingerprint

Andriod မှာရနေတာတော်တော်လေးကြာနေပြီဖြစ်ပြီး အခုဆို သိန်းတန် mid-range model တွေမှာတောင်ပါနေပါပြီ။ ဒါပေမယ့် iOS 13 မှာ Face ID ကို အဆင့်မြှင့်ထားတယ်လို့ကြားမိလို့ In Display Fingerprint ကပါနိုင်ခြေနည်းတယ်လို့မြင်ပါတယ်။

3. 5G Network

အခုချိန်မှာ 5G Network ရတဲ့ Andriod ဖုန်းတွေလက်ချိုးရေလို့တောင်မရအောင်များနေချိန်မှာ Apple ကတော့ Qualcomm နဲ့ငြိနေလို့ လာမယ့် iPhone တွေမှာမပါနိုင်လောက်သေးဘူးလို့သိရပါတယ်။ 2020 ထွက်ဖုန်းတွေမှ 5G ရလာနိုင်လောက်ပါတယ်။ ဒါပေမယ် Next Generation iPhone မှာ ခေတ်နဲ့အညီ 5G လည်းပါစေချင်ပါတယ်။

4. USB Type C

Apple က iPad Pro third Gen မှာ USB Type C တွေကိုပထမဆုံးသုံးတော့ Apple Hardcore fan တွေတော်တော်များ Andriod တွေမှာပါတာကြာနေပြီဆိုပြီးများမကြိုက်ကြပါဘူး။ ဒါပေမယ့်အနာဂတ်မှာ ဖုန်းတွေရော Computer တွေပါ Type C တွေဘဲသုံးကြတော့မှာပါ။ Macbook တွေမှာလည်း Type C တစ်မျိုးဘဲထည့်ပေးတော့တာ တော်တော်ကြာနေပါပြီ။ Type C ကို Mac ရော iPad ရောမှာသုံးပြီးပြီမို့ iPhone တွေမှာလည်းမကြာခင်သုံးလာနိုင်ပါတယ်။ Type C ဖြစ်သွားရင် နားကြပ်ပေါက်သီးသန့်မပါလို့ Lightning  နားကြပ်ဘဲသုံးနေရတဲ့ ပြသနာလည်း ဖြေရှင်းပြီးသားဖြစ်သွားနိုင်ပါတယ်။ အခုဈေးကွက်ထဲမှာ Type C နားကြပ်တွေပေါနေပါပြီ။ (iPad Pro 3rd Generation မှာတော့ Type C နားကြပ်တွေ Support လုပ်မလုပ်တော့မသိပါ) Dongle ခံပြီးကြိုက်တဲ့နားကြပ်သုံးလို့ရပေမယ့် အမှန်အတိုင်းပြောရရင် feel အောက်ပါတယ်။ နောက်တစ်ချက်က အဲ့ဒီ Dongle ကိုလည်း iPhone Xs series မှာထည့်မပေးတော့ပါဘူး သတ်သတ်ဝယ်သုံးနေရတာပါ။

5. Triple Camera

ဒါကတော့ ထွေထွေထူးထူးပြောစရာမလိုပါဘူး။ အခုခေတ်ဖုန်းတော်တော်များများမှာ Wide အပြင် Ultra-Wide တွေပါပါနေပြီဖြစ်သလို လာမယ့် iPhone အသစ်မှာလည်း (Rumor တွေအရ)Triple Camera လည်းပါဖို့သေချာသလောက်ရှိပါတယ်။

6. Reverse Wireless Charging

Samsung S10 Plus, Huawei Mate 20 Pro, P30 Pro တို့လို Andriod ရဲ့ Super Flagship model တွေမှာ Reverse Wireless Charging လို့ခေါ်တဲ့ ဖုန်းအချင်းချင်းကျောချင်းကပ်အားသွင်းနိုင်တဲ့နည်းပညာပါနေပါပြီ။ ဒီ Feature က ဖုန်းအချင်းချင်းအားသွင်းဖို့ထက် Ear Bud တွေကိုအလွယ်တကူအားသွင်းနိုင်ဖို့ဖြစ်ပါတယ်။ မကြာခင်ကမှ ထွက်ထားတဲ့ Apple ရဲ့ Airpod 2 မှာလည်း Wireless Charging ရတာမို့ iPhone နဲ့ Airpod ကိုအလွယ်တကူအားသွင်းနိုင်မှာဖြစ်တာကြောင့် Reverse Wireless Charging ကိုလည်းးပါစေချင်ပါတယ်။

7. Larger Battery Capacity

လက်ရှိမှာ iPhone တွေက Performance အကောင်းဆုံးဆိုတာ ဘယ်သူမှမငြင်းနိုင်တဲ့အချက်ပါ။ ဒါပေမယ့် Gaming အတွက်ဆို Battery life ကပြသနာရှိနေပါသေးတယ်။ Next Generation iPhone  မှာတော့ 4000 mAh လောက်တော့ပါစေချင်မိတယ်။

8. Fast Charging (out of the Box)

iPhone 8 မှာတည်းက fast charging စနစ်ကပါလာပြီဆိုပေမယ့် လိုအပ်ချက်တွေရှိနေပါသေးတယ်။ ပိုဆိုးတာက fast charging သုံးဖို့အတွက် သိန်းကျော်လောက်ထပ်ဝယ်ရလို့ ၀ယ်သုံးတဲ့သူ (မြန်မာပြည်မှာတော့) တော်တော်လေးနည်းပါတယ်။ Next Generation iPhone မှာတော့ Fast Charging ကိုဝယ်တည်းက ဘူးထဲမှာပါစေချင်ပါတယ်။

ဒါတွေအကုန်လုံးက Andriod ဖုန်းတွေမှာပါတာ ကြာနေပြီဖြစ်တာကြောင့် Apple ကအခုမှလုပ်ရင်လည်း သူများနောက်လိုက်တယ်ဖြစ်ဦးမယ် မလုပ်ပြန်ရင်လည်းခုထိမပါသေးဘူးဖြစ်ကြမှာမို့အပြောကတော့လွတ်မှာမဟုတ်ပါဘူး။ ဒါပေမယ့် အချို့အရာတွေကတော့ Flagship model အနေနဲ့မဖြစ်မနေပါသင့်နေပါပြီ။ ကျွန်တော်မျှော်လင့်ထားတာတွေဘဲပါလာမလား ဒါမှမဟုတ် ဘယ်သူမှမထင်မှတ်ထားတာတွေဘဲပါလာမလားဆိုတာတော့ လာမယ့် စက်တင်ဘာ Apple Special Event ကျမှဘဲရင်ခုန်စွာစောင့်မျှော်ကြည့်ရှုရမှာဖြစ်ပါတယ်။

#Next_Generation_iPhone

မူရင်းရေးသားသူ – Swan Htet Paing

မူရင်း Post

https://www.facebook.com/100013439717808/posts/708284142962903?s=100013038398874&sfns=mo

Facebook Comments
1K Shares