ဗိုလ်ချုပ်ရုပ်ပုံပါ ပိုက်ဆံ လာမည့် ဒီဇင်ဘာတွင် ထွက်ရှိမည်

1239

မြန်မာ့လွတ်လပ်ရေး ဗိသုကာ ဗိုလ်ချုပ်အောင်ဆန်း ရုပ်ပုံပါ ကျပ်ငွေစက္ကူတွေကိုအခုနှစ်ကုန်ပိုင်းမှာ ထုတ်ဝေသွားမယ်လို့ နိုင်ငံတော် ဗဟိုဘဏ် ဒုဥက္ကဋ္ဌ ဦးစိုးသိန်းကပြောပါတယ်။

နေပြည်တော်မှာ ဒီနေ့ပြုလုပ်တဲ့ နိုင်ငံတော်အစိုးရရဲ့ တတိယတနှစ်တာကာလ သတင်းစာရှင်းလင်းပွဲမှာ ဒုဥက္ကဋ္ဌက ပြောခဲ့တာ ဖြစ်ပါတယ်။

ဗိုလ်ချုပ်ငွေစက္ကူက ထုတ်ကို ထုတ်မှာပါ၊ လုပ်နေတာလည်း တော်တော်ခရီးရောက်နေပါပြီ၊ ဒီနှစ်ကုန်လောက် ထုတ်ဝေနိုင်မှာပါ။

ဗိုလ်ချုပ်အောင်ဆန်း ရုပ်ပုံကို အနာဂတ်ကာလ ထုတ်ဝေမယ့် ငွေစက္ကူတွေမှာ ရိုက်နှိပ်ထုတ်ဝေဖို့ အစိုးရအား တိုက်တွန်းတဲ့အဆိုကို ၂၀၁၈ ခုနှစ်က ပြည်သူ့လွှတ်တော်တရပ်မှာ တင်သွင်းခဲ့ပြီး ဆွေးနွေးအတည်ပြုခဲ့ပါတယ်။

အဲ့ဒီနောက် အစိုးရရဲ့ ဒုတိယ တနှစ်တာသတင်းစာရှင်းလင်းပွဲမှာ ဗဟိုဘဏ်ဒုဥက္ကဋ္ဌဦးစိုးသိန်းက ဗိုလ်ချုပ်ရုပ်ပုံပါ ငွေစက္ကူတွေကို အခုအစိုးရသက်တမ်းအတွင်း ထုတ်ဝေသွားမယ်လို့ ပြောဆိုခဲ့ဖူးပါတယ်။

အဲ့ဒီသတင်းစာရှင်းလင်ပွဲတုန်းက ဗဟိုဘဏ်ဒုဥက္ကဋ္ဌက ဗိုလ်ချုပ်ပုံပါ ငွေစက္ကူထုတ်တာကြောင့် စီးပွားရေးအပေါ် ရိုက်ခတ်မှုမရှိနိုင်ဘဲ နှစ်လမ်း နှစ်မျိုးနဲ့ ထုတ်ဝေသွားမယ်လို့ ထုတ်ပြောခဲ့ဖူးပါတယ်။

Facebook Comments
17K Shares